Crackers Price in Telangana تلنگانہ میں پٹاخوں کی قیمتوں میں چالیس فیصد اضافہ

حیدرآباد میں دسہرہ کے بعد گیندے کے پھولوں کی قیمت 50 روپے فی کلو تھی لیکن اب ان کی قیمت 90 روپے ہے۔ تاجروں کا کہنا ہے کہ گھروں اور دکانوں کی سجاوٹ اور پوجا کے لیے استعمال ہونے والے پھولوں کی قیمتوں میں بھی زبردست اضافہ ہوا ہے۔ Price hike of crackers in Telangana

حیدرآباد: ریاست تلنگانہ کے بڑے شہر میں دیوالی کی گونج شروع ہوگئی ہے۔ تہوار میں صرف دو دن باقی رہ گئے ہیں، بازار، مٹھائی کی دکانیں اور شاپنگ مالز پٹاخوں، پھولوں، مٹھائیوں اور کپڑوں کی خریداری سے کھچا کھچ بھر گئے ہیں۔ لیکن اس بار پٹاخوں اور پھولوں کی قیمتوں میں گزشتہ برس کے مقابلے بہت زیادہ اضافہ ہوا ہے۔ تاجروں کا کہنا ہے کہ گھروں اور دکانوں کی سجاوٹ اور پوجا کے لیے استعمال ہونے والے پھولوں کی قیمتوں میں بھی زبردست اضافہ ہوا ہے۔ دسہرہ کے بعد گیندے کے پھولوں کی قیمت 50 روپے فی کلو تھی لیکن اب ان کی قیمت 90 روپے ہے۔ Flowers Pricke Hike in Telangana

تاجروں کا کہنا ہے کہ ان کے علاوہ گلاب کی مانگ بھی زیادہ ہے۔ پٹاخوں کا کاروبار کرنے والوں کا کہنا ہے کہ پٹاخوں کی ہر آئٹم پر 30 سے 40 فیصد اضافہ ہوا ہے۔ محکمہ فائر بریگیڈ کے اہلکاروں نے سکندرآباد جمخانہ گراؤنڈ میں 35 دکانوں کو اجازت دے دی ہے۔ پٹاخوں کی خرید و فروخت جمعہ کے روز منتظمین کو اجازت ملنے کے بعد شروع ہوئی۔

ملک میں چین کے پٹاخوں پر پابندی ہے۔ رنگ برنگے مختلف دلکش لیمپس بازاروں میں دستیاب ہیں تاہم لوگ مٹی کے دیئے استعمال کرنے میں زیادہ دلچسپی دکھا رہے ہیں، یہ مٹی کے دیئے شاپنگ مالس میں بھی فروخت ہو رہے ہیں جن کی قیمتوں میں بھی غیر معمولی اضافہ ہوا ہے۔

یو این آئی