شمس آباد ایئر پورٹ کو جراثیم سے پاک بنانے کا عمل

کورونا وائرس کے معاملات کے سامنے آنے کے بعد شہر حیدرآباد کے شمس آباد ایئرپورٹ میں جہاں بیرونی ممالک سے آنے والوں کی طبی جانچ سختی سے کی جارہی ہے وہیں احاطہ کو جراثیم سے پاک بنانے کا عمل بھی جاری ہے۔

شمس آباد ایئر پورٹ کے سات سطحی پسنجر ٹرمنل عمارت میں معمول کی بنیاد پر جراثیم کو دور کرنے کی مہم چلائی جارہی ہے تاکہ یہاں آنے والوں کو اس موذی وائرس سے بچایاجاسکے۔

ائیرپورٹ کی پارکنگ، آمد، روانگی کے علاقوں کے ساتھ ساتھ دیگر مقامات کو جراثیم سے پاک بنانے کی مساعی کی جارہی ہے۔ اس اہم ایئر پورٹ پر ہر طرح کی چوکسی اختیار کی جارہی ہے۔

ہوز کیپنگ اسٹاف کی جانب سے صفائی کے لئے کیمیکل کا استعمال کیاجارہا ہے۔یہ اسٹاف ارکان دستانے اور دیگر حفاظتی کپڑے پہنتے ہوئے صفائی کا کام انجام دے رہے ہیں۔