کورونا ٹیکہ کاری مہم: اسدالدین اویسی کا عثمانیہ ہسپتال کا دورہ

تلنگانہ میں آج سے بڑے پیمانہ پر کورونا کی ٹیکہ کاری کا آغاز کیا گیا۔ 33 اضلاع کے 139 مراکز پر ٹیکہ کاری کا آج سے آغاز ہوگیا۔ ریاست میں پہلے مرحلہ کے تحت 3 لاکھ ہیلتھ ورکرز کو ٹیکہ دیا جائے گا۔

حیدرآباد کے رکن پارلیمنٹ و صدر کل ہند مجلس اتحاد المسلمین بیرسٹر اسدالدین اویسی نے آج عثمانیہ ہسپتال پہنچ کر کورونا کی ٹیکہ کاری کا جائزہ لیا۔ انہوں نے اس موقع پر آر ایم او سے انتظامات سے متعلق جانکاری حاصل کی اور ڈاکٹرز سے بھی بات کی۔

اسدالدین اویسی نے ہیلتھ ورکز خاص طور سے ڈاکٹروں و نرسوں کے کام کی ستائش کی۔ انہوں نے کہا کہ ’لاک ڈاون کے دوران ان کی خدمات قابل ستائش تھیں ۔ انہوں نے ان کے کام کو انسانی خدمت کی عظیم مثال قرار دیا‘۔

تلنگانہ میں آج 139 مراکز پر کورونا ٹیکہ کاری مہم کا آغاز کیا گیا۔