تلنگانہ کے وزیرصحت ایٹالہ راجندر نے آج میڈیا سے بات کرتے ہوئے کہاکہ حکومت کورونا ٹیسٹوں کی مہم کو تیز کرے گی اور زیادہ سے زیادہ ٹیسٹ کیے جائیں گے۔
وزیرصحت نے کہا کہ آئی سی ایم آر کے رہنما خطوط کے مطابق ہوم کوارنٹائن میں رکھ کر لوگوں کا علاج کیا جائے گا۔
انھوں نے مزید کہا کہ ضرورت پڑنے پر حیدرآباد شہر میں دوبارہ لاک ڈاون نافذ کیا جائے گا۔
انھوں نے کہا کہ اس سلسلے میں اتوار کو وزیر اعلی کے سی آر سے تفصیلی بات ہوئی ہے۔وزیراعلی نے کہا کہ اگلے تین سے چار دنوں میں حالات کو دیکھ کرکابینہ فیصلہ کرے گی۔
اس موقع پر وزیر موصوف نے کہا کہ طبی عملے کے 250 افراد کورونا سے متاثر پائے گئے ہیں۔ انھوں نے کہا کہ طبی عملہ اپنی جان جوکھم میں ڈال کر لوگوں کا علاج کررہا ہے۔ ان کے ساتھ بدتمیزی ہرگز نہیں کی جانی چاہئے۔
وزیر موصوف نے کہا کہ کل سے میڈیکل ٹیمزدوبارہ ٹیسٹ کرنا شروع کریں گے۔