کورونا متاثرہ خاتون کی خود کشی

خاتون اس بات کو لیکر بہت زیادہ فکرمند اورمایوس تھی کہ شوہر کے ساتھ اس کو بھی کورونا ہوگیا ہے اور اس نے خود کشی کرلی۔

تلنگانہ کے منچریال ضلع کے بیلم پلی میں کورونا سے متاثر ایک خاتون نے خود کشی کر لی۔

تفصیلات کے مطابق بیلم پلی ہنومان بستی میں رہنے والی خاتون جنجا نے پھانسی لگا کر خود کشی کی۔ بتایا گیا کہ کچھ دن قبل اس کا شوہر کورونا متاثر ہوا تھا۔

حیدرآباد کے کمس ہسپتال میں خاتون کا شوہر زیر علاج ہے۔ تاہم دو روز قبل یہ خاتون بھی کورونا سے متاثر ہو گئی تھیں۔

خاتون اس بات پر بہت زیادہ مایوس ہوگئیں کہ شوہر کے ساتھ ان کو بھی کورونا ہوگیا۔ اس سے دل برداشتہ ہو کر اس نے خود کشی کر لی۔