حیدرآباد: کانگریس کی صدر سونیا گاندھی اور سابق صدر راہل گاندھی کو ای ڈی کی نوٹس کے خلاف حیدرآباد میں احتجاج کے دوران حراست میں لی گئیں کانگریس رہنما رینوکا چودھری کو رہا کر دیا گیا۔ در اصل ای ڈی کی کارروائی پر ناراضگی کا اظہار کرتے ہوئے تلنگانہ کانگریس نے احتجاج کا اعلان کر کے راج بھون کا محاصرہ کرنے کی اپیل کی تھی جس پر مختلف شعبوں سے تعلق رکھنے والے کانگریس کارکنوں اور لیڈروں کی بڑی تعداد راج بھون کے لئے روانہ ہوئی۔
اسی دوران خیریت آباد چوراہے کے قریب مظاہرین نے بعض ٹو وہیلرس کو آگ لگا دی اور آر ٹی سی بسوں کے شیشے توڑ دیے اور بسوں کو روک کر مرکزی حکومت کے خلاف نعرے بازی کی گئی۔ احتجاج کے دوران سینئیر رہنما رینوکا چودھری کو پولیس حراست میں لے رہی تھی کہ اسی دوان اس نے ایک مرد پولیس اہلکار کی کالر پکڑ لیا اور تلخ انداز میں بحث کی۔ اس معاملے میں کولگنڈہ پولیس اسٹیشن نے رینوکا چودھری کو گرفتار کیا اور ان کے خلاف دفعہ 353 لگایا گیا، جس کے بعد رینوکا چودھری نے کورٹ سے رجوع کیا۔ بعد ازاں پولیس نے انہیں رہا کر دیا Congress leader Renuka Chaudhary released by police۔