کے ٹی آر نے لاک ڈاون کے بعد کورونا وائرس کے کیسز میں اضافے کے امکان کا اظہار کیا جبکہ انہوں نے اس وبا کی روک تھام کےلیے حکومت کی جانب سے کئے جارہے احکامات پر سختی سے عمل کرنے پر بھی زور دیا۔
انہوں نے ہفتہ میں ایک بار صفائی عملہ کا ہیتلھ ٹسٹ کروانے پر زور دیا اور کہا کہ عملہ میں ماسک اور گلوز کو فراہم کرنے میونسپل کمشنر کی ذمہ داری ہوگی۔
کے ٹی آر نے اڈیشنل کلکٹرز سے کہا کہ مانسوں کے دوران ڈینگی و دیگر بیماروں سے نمٹنے کےلیے تیار رہے اور مختلف علاقوں میں جراثیم کش ادویات کے چھڑکاؤں کو یقینی بنائیں۔
ویڈیو کانفرنس میں شہری علاقوں میں پچاس فیصد دوکانات کو کھولنے کے سلسلہ میں بھی جائزہ لیا۔ سڑک کے ایک طرف کی دوکانات ایک دن اور دوسری طرف کی دوکانات دوسرے دن جیسے لائحہ عمل پر بھی غور و خوص کیا گیا۔