اترپردیش: مظفرنگر میں مکمل لاک ڈاون

کورونا کے بڑھتے کیسز کے پیش ںظرضلع انتظامیہ نےہراتوار کو مکمل لاک ڈاون نافذ کرنے کا اقدام کیا ہے۔

ریاست اترپردیش کے ضلع مظفر نگر میں آج مکمل لاک ڈاؤن ہے۔

ضلع کی سڑکوں پر مکمل خاموشی دیکھی جا رہی ہے۔سڑکیں ویران ہے گلیاں سنسان ہے۔مظفر نگر کےلوگ اس لاک ڈاون کا بھرپور تعاون کر رہے ہیں۔

مظفر نگر میں کووڈ-19 کے بڑھتے ہوئے کیس کے پیش نظر، وزیر مملکت آزادانہ چارج کپل دیو اگروال نے ضلع مجسٹریٹ کو ایک خط لکھ کر ضروری اشیاء کی دکانوں کو چھوڑ کرمکمل لاک ڈاؤن کا مطالبہ کیاتھا۔ جس کےبعدضلع کلکٹر سیلوا کماری جے نے ہر اتوار کو مکمل لاک ڈاؤن کا حکم جاری کیا۔ اسی احکامات کی وجہ سے مظفر نگر مکمل لاک ڈاؤن میں ہے۔

ضلع کے ہر چوراہے پر پولیس کی بھاری جمعیت تعینات ہے۔ سڑکوں پر ضروری کام کے لئے کچھ ہی لوگ دیکھے جارہے رہے ہے بازار مکمل طور پر بند ہے۔

قابل ذکرہیکہ مظفر نگر میں فی الحال 83 مثبت کیسس سرگرم ہیں، جن کا علاج مظفر نگر کے بیگراج پور میڈیکل کالج میں کیا جارہا ہے۔ اس کے علاوہ 79 افراد کو علاج کے بعد گھر بھیج دیا گیا ہے۔ لاک ڈاون کا یہ فیصلہ مظفر نگر میں کورونا کیسز میں مسلسل اضافہ کی وجہ سے لیا گیا ہے۔