ریاست تلنگانہ میں آر ٹی سی ملازمین کی طویل مدت سے جاری ہڑتال بالآخر ختم ہوئی۔ وزر اعلی کے سی آر نے آر ٹی سی ملازمین کو ملازمت پر واپس لینے سے اتفاق کرتے ہوئے کل سے رجوع بکار ہونے کی ہدایت دی۔ آج اس سلسلے میں منعقد کردہ کابینی اجلاس میں یہ اہم ترین فیصلہ لیا گیا۔
اجلاس کے بعد میڈیا سے بات کرتے ہوئے کے سی آر نے کہا کہ وہ ملازمین کو غیر مشروط طورپر ملازمت پر لینے کیلئے تیار ہیں۔
چیف منسٹر نے کل ہی آر ٹی سی کو سو کروڑ جاری کرنے کا اعلان کیا۔ مزید فوت شدہ ملازمین کے خاندان کے ایک فرد کو ملازمت فراہم کرنے کایقین دلایا-
انہوں نے اس ہڑتال کیلئے یونین کو قصور وار قرار دیتے ہوئے کہا کہ آر ٹی سی ملازمین نے یونین کی باتوں میں آکر غیر ضروری مطالبات کی تکمیل کا مطالبہ کرتے ہوئے بغیر سوچے سمجھے ہڑتال میں شامل ہوئے۔
اور زائد از پچاس روز اپنی ضد پر آڑے رہے جس کی وجہ سے عوام اور خود انہیں مشکلات کا سامنا کرنا پڑا۔
اسی کے ساتھ انہوں نے آر ٹی سی کرایوں میں اضافے کا اعلان کیا اور بتایا کہ آئندہ پیر سےاضافی کرایوں پر عمل آوری ہوگی جس میں فی کلو میٹر 20 پیسے کا اضافہ ہوگا۔
