'وزیراعلی جگن ہائی کورٹ کے ریمارکس پر ردعمل دیں'

تلگودیشم رہنما رامیا نے کہا کہ ہائی کورٹ کے سنگین ریمارکس کا اطلاق وزیراعلی اور ان کی لاقانونیت پر ہوتا ہے۔

تلگودیشم پارٹی کے پولیٹ بیورو رکن ورلا رامیا نے وزیراعلی وائی ایس جگن موہن ریڈی سے مطالبہ کیا کہ وہ آندھراپردیش ہائی کورٹ کے حالیہ تازہ ریمارکس پر ردعمل ظاہر کرے۔ جس نے ریاست میں قانون کی حکمرانی پر عمل کرنے میں ناکامی پر ڈی جی پی گوتم سوانگ کومستعفی ہونے کی تجویز پیش کی۔

رامیا نے کہا کہ ہائی کورٹ کے سنگین ریمارکس کا اطلاق وزیراعلی اور ان کی لاقانونیت پر ہوتا ہے کیونکہ ان کی حکومت ریاست میں برسراقتدار آنے کے بعد سے جنگل راج چلارہی ہے۔اپنے بیان میں تلگودیشم کے سینئررہنما نے اس کو سنگین مسئلہ سے تعبیر کیا اور کہا کہ وائی ایس آرکانگریس حکومت نے بگڑتے ہوئے لا اینڈ آرڈر پر خاطی پولیس فورس کو کنٹرول کرنے میں ناکامی پر ڈی جی پی کو مستعفی ہونے ہائی کورٹ کی خواہش کے باوجود کوئی ردعمل ظاہر نہیں کیا۔