تلگودیشم پارٹی کے صدر این چندرابابو نائیڈو نے آج احتجاجاً کسانوں سے متعلق حکومت کی جانب سے جاری احکامات کی پانچ کاپیوں کو پونگل تہوار کے آغاز پر جلائی جانے والی بھوگی الاؤ میں نذر آتش کردیا۔
چندرا بابو نے آج جن حکومتی احکامات کو نذر آتش کیا انہیں آندھراپردیش حکومت نے کسانوں سے متعلق منصوبوں کےلیے منظور کیا تھا۔
بھوگی تہوار تمل ناڈو، آندھراپردیش اور تلنگانہ میں جوش و خروش کے ساتھ منایا جاتا ہے جو پونگل کا ایک حصہ ہے جبکہ تہوار کے آغاز پر الاؤ جلائی جاتی ہے اور خصوصی پوجا کی جاتی ہے۔ پونگل موسم سرما کے اختتام اور فصل کی کٹائی کے آغاز کے موقع پر منایا جاتا ہے۔