حیدرآباد میں کورونا کے پیش نظر مرکزی ٹیم کا دورہ

حیدرآباد پہنچی اس ٹیم کے ارکان نے اپنے ایک روزہ دورہ کا آغاز شہر کے گچی باولی میں بنائے گئے ٹمس اسپتال سے کیا۔ ٹیم کے ارکان نے ٹمس کا تفصیلی معائنہ کیا۔

گریٹر حیدرآباد میونسپل کارپوریشن(جی ایچ ایم سی) حدود میں کورونا کے مثبت معاملات میں تیزی سے اضافہ کے پیش نظر زمینی حقائق اور صورتحال کا جائزہ لینے کے لئے قومی دارالحکومت نئی دہلی سے ریاستی دارالحکومت حیدرآباد کا مرکزی ٹیم نے دورہ کیا۔

حیدرآباد پہنچی اس ٹیم کے ارکان نے اپنے ایک روزہ دورہ کا آغاز شہر کے گچی باولی میں بنائے گئے ٹمس اسپتال سے کیا۔ ٹیم کے ارکان نے ٹمس کا تفصیلی معائنہ کیا۔

اس اسپتال کے الگ تھلگ رومس کا بھی معائنہ کیاگیا۔ ٹیم کے ارکان نے کورونا کی روک تھام کیلئے ریاستی حکومت کے اقدامات کا جائزہ لیا اور مختلف اہم شخصیات کے ساتھ ساتھ اعلی عہدیداروں سے تبادلہ خیال کیا۔

قبل ازیں بھی ایک مرکزی ٹیم نے ریاست کا دورہ کرتے ہوئے تفصیلات حاصل کی تھیں۔

تلنگانہ کے دارالحکومت حیدرآباد میں گذشتہ چند دنوں سے کورونا کے معاملات میں اچانک کافی اضافہ اور اموات کے سبب اس مرکزی ٹیم کے دورہ کو اہمیت حاصل ہوگئی ہے۔

وفد میں شامل اراکین نے بیشتر کنٹینمنٹ کلسٹرس کا معائنہ کیا جہاں سے پینل کے ارکان سیدھے بی آر کے بھون پہنچے جہاں ان کی ملاقات چیف سکریٹری سومیش کمار سے ہوئی۔