مہاراشٹر کے اورنگ آباد میں بی جے پی کا راستہ روکو احتجاج ناکام ہوگیا پولیس نے مظاہرین کو فوری گرفتار کرکے احتجاج کو ختم کردیا۔
احتجاج کے دوران بی جے پی رہنماوں نے پولیس پر خواتین کے ساتھ زیادتی کا الزام لگایا۔
او بی سی ریزرویشن منسوخی کے خلاف بی جے پی کے رہنماؤں نے اورنگ آباد کے جالنہ روڈ پر راستہ روکو احتجاج کرنے کی کوشش کی لیکن اس سے پہلے کہ وہ راستہ روکنے میں کامیاب ہوتے پولیس اہلکاروں نے احتجاجی مظاہرین کو فوری قابو میں کرکے انھیں گرفتار کرلیا۔
یہ بھی پڑھیں:'راجہ مہندر پرتاپ نے اپنے مسلم ساتھیوں کے ساتھ افغانستان میں حکومت بنائی تھی'
اس موقع پر درجنوں کارکنوں کو زبردستی پولیس وین میں ٹھونسا گیا، بی جے پی رہنماؤں نے پولیس کے رویے پر ناراضگی کا اظہار کیا اور جب مظاہرین کو گرفتار کرکے کرانتی چوک پولیس اسٹیشن لےجایا گیا تو مظاہرین نے پولیس اسٹیشن میں ہی دھرنا دے دیا، بی جے پی رہنماؤں نے پولیس پر خواتین کے ساتھ زیادتی کا الزام عائد کیا ہے۔