حیدرآباد: 'گاندھی ہسپتال میں بہترعلاج'

مریضوں نے کہا'مناسب وقت پر مناسب غذا اور دوائیں دی جارہی ہیں اور بہتر علاج کیاجارہا ہے'۔

حیدرآباد کے گاندھی ہسپتال جہاں پر کورونا متاثرین کا علاج کیاجارہا ہے، کے تعلق سے سماجی رابطوں کے مختلف پلیٹ فارمز پر علاج میں لاپرواہی سے متعلق ویڈیوز کے وائرل ہونے کے پیش نظر حکومت تلنگانہ نے اس ہسپتال میں کوویڈ19متاثرین کو دیئے جانے والے علاج کی سہولت کے سلسلے میں متاثرین سے بات چیت کی اور اس ویڈیو کو جاری کیا۔

اس ویڈیو میں متاثرین نے علاج کی سہولتوں پر اطمینان کا اظہار کیا ہے۔ان متاثرین نے کہا کہ گاندھی اسپتال میں مناسب وقت پر مناسب غذا اور دوائیں دی جارہی ہیں اور ان کا بہتر علاج کیاجارہا ہے۔اس ویڈیو میں کئی متاثرین سے بات چیت کی گئی جنہوں نے علاج اور اس اسپتال میں بیشتر سہولیات پر اطمینان کا اظہار کیا۔