لاک ڈاؤن میں نرمی کے بعد گداگر کی سڑکوں پر واپسی

حیدرآباد کی سڑکوں پر گداگر دوبارہ واپس آچکے ہیں معصوم بچوں کو گود میں اٹھائے اپنے روایتی انداز میں یہ مختلف سڑکوں و چوراہوں پر بھیک مانگتے نظر آنے لگے ہیں۔

سڑکوں پر بھیک مانگ رہے ان گداگروں کو کورونا وائرس کا کوئی خوف نہیں ہے، ماسک لگائے بنا ہی یہ لوگ عوام کے درمیان جاکر بھیک مانگ رہے ہیں جو نہ صرف ان کے لیے بلکہ شہریوں کے لیے بھی خطرناک ہے۔

ان گداگروں میں بیشتر بیرون ریاستوں سے تعلق رکھنے والے ہیں ان کا کہنا ہے کہ وہ سڑکوں پر غبارے اور دیگر اشیاء فروخت کر کے گزر بسر کرتے ہیں۔

انہوں نے بتایا کہ کافی کوشس کے باوجود وہ اپنے وطن واپس نہ جا سکے اور اس لیے اب وہ فاقوں پر مجبور ہیں، حکومت کی جانب سے نہ ہی ان کی طبی جانچ کی گئی اور نہ ہی انھیں کھانا یا راشن فراہم کیا گیا۔

حکومت کو چاہیے کہ وہ گداگروں کی نشاندہی کرتے ہوئے انہیں کوارنٹائن سینٹرس منتقل کرے سکتا کہ یہ شہریوں کے لیے خطرہ نہ بنیں۔