بجرنگ دل کی صوتی آلودگی کے خلاف مہم

ان کارکنوں کا کہنا ہے کہ اس مہم سے لوگوں کے جذبات کو ٹھیس پہنچ رہی ہے۔

دیوالی کے موقع پر صوتی آلودگی کے خلاف چلائی جارہی مہم پر بجرنگ دل کے سینکڑوں کارکنوں نے حیدرآباد کے ایک پرائیویٹ ٹی وی چینل کے دفتر کے سامنے دھرنا دیا جس کے بعد ان کارکنوں کو حراست میں لے لیا گیا۔

ان کارکنوں کا کہنا ہے کہ اس مہم سے لوگوں کے جذبات کو ٹھیس پہنچ رہی ہے۔یہ چینل،دیوالی کے موقع پر پُرشور پٹاخے جلانے کے خلاف مہم چلارہا ہے۔

بجرنگ دل کے کارکن اپنے ساتھ پٹاخے لگائے اور چینل کے دفتر کے سامنے یہ پٹاخے جلائے۔

ان کارکنوں نے چینل کے دفتر میں گھسنے کی بھی کوشش کی تاہم پولیس نے ان کو روک دیا اور تحویل میں لے لیا۔