پی وی سندھو کو ملا بی ایم ڈبلیو کار کا تحفہ

بھارتی بیڈ منٹن کی تاریخ میں نئے باب کا اضافہ کرنے والی پی وی سندھو کو ملک بھر سے مبارکبادیاں پیش کرنے کا سلسلہ چل پڑا ہے۔

عالمی بیڈ منٹن چیمپین شپ میں اپنے بہتر مظاہرہ کے ذریعہ گولڈ میڈل حاصل کرتے ہوئے بھارت کے وقار کو مزید بلند کرنے والی سندھو کو تلگو فلموں کے مشہور اداکار ناگرجنا کے ہاتھوں بی ایم ڈبلیو کار پیش کی گئی۔

چامندیشور ناتھ کی جانب سے یہ کار ان کواناپورنا اسٹوڈیومیں منعقدہ ایک تقریب میں پیش کی گئی ۔اس موقع پر ناگرجنا نے میڈیا سے بات کرتے ہوئے پی وی سندھوکی کافی ستائش کی۔

انہوں نے کہا کہ فائنل میچ جب ہوا تو وہ امریکہ میں تھے جہاں انہوں نے اس میچ کو دیکھا۔چامندیشور ناتھ نے تاحال کھیل کود میں بہتر مظاہرہ کرنے والی شخصیتوں کو 22کار تحفہ کے طور پر حوالے کی ہیں۔

اس موقع پر بات کرتے ہوئے سندھو نے کہا کہ بیڈ منٹن میں مزید بہر مظاہرہ کے لیے وہ مساعی کریں گی۔اس تقریب میں پی وی سندھو کے کوچ پُلیلا گوپی چند بھی موجود تھے۔