اس لاٹھی چارج میں بعض کارکنوں کے زخمی ہونے کی اطلاع ہے۔ تارک راو سرکاری اسپتال میں بچوں کے وارڈ کے افتتاح اور بعض دیگر پروگراموں میں شرکت کے لئے مذکورہ ضلع کا دورہ کر رہے تھے۔ بعض کارکنان ان کی گاڑیوں کے قافلہ کے سامنے لیٹ گئے۔ تاہم پولیس نے ان کو وہاں سے ہٹادیا اور ان پر لاٹھی چارج کردیا۔
وزیر موصوف کے دورہ کے پیش نظر پولیس کا بھاری بندوبست کیا گیا تھا۔
مزید پڑھیں:کے ٹی آر نے لاجسٹک پارک کا افتتاح کیا
وزیر موصوف افتتاحی تقریب کے بعد جارہے تھے کہ اچانک اے بی وی پی کے کارکنان سڑک پر آگئے اور ان کے قافلہ کو روکنے کی کوشش کی۔ تاہم وہاں موجودہ چوکس ملازمین پولیس نے صورتحال کو قابو میں کرنے کے لئے لاٹھی چارج کر دیا۔ یہ کارکنان شعبہ تعلیم کے بعض مسائل اور خالی ملازمتوں کو پُرکرنے کیلئے نوٹیفکیشن جاری کرنے کے مطالبہ پر احتجاج کر رہے تھے۔
یو این آئی