عادل آباد: چور اے ٹی ایم لے کر فرار

سارقین نے عادل آباد کلکٹریٹ چوک کے قریب واقع ایس بی آئی کے اے ٹی ایم کو رسیوں سے باندھا اور اسے کھینچنے کے بعد گاڑی میں ڈال کر فرار ہو گئے۔

تلنگانہ کے عادل آباد مستقر میں تین چور اے ٹی ایم مشین ہی اٹھا کر لے گئے۔ یہ واردات جمعہ کی صبح اولین ساعتوں میں پیش آئی۔ تین سارقین نے رات تین بجے کلکٹریٹ چوک کے قریب واقع ایس بی آئی کے اے ٹی ایم کو رسیوں سے باندھا اور اسے کھینچ کر گاڑی میں ڈال کر لے گئے۔ یہ اے ٹی ایم سینٹر2 ٹاون پولیس اسٹیش سے کافی قریب ہے۔

پولیس کے چوکس ہوتے ہی وہ مضافاتی علاقے میں اے ٹی ایم مشین چھوڑ کر فرار ہو گئے۔ سارقین نے دیوی چوک علاقے کے پاس ایک جویلری شاپ کو بھی نشانہ بنانے کی کوشش کی۔ تاہم وہ ناکام رہے۔