وزیر صحت ای راجندر نے آروگیہ شری ہیلتھ اسکیم کے بند ہونے کی تردید کرتے ہوئے بتایا کہ یہ لاکھوں عوام کے لیے کار آمد اسکیم ہے جو بلا رکاوٹ جاری رہے گی۔
ہاسپٹلز ایسوسی ایشن نے حکومت کی جانب سے خانگی ہسپتالوں کو آروگیہ شری اسکیم کے بقایہ جات ادا نہ کیے جانے کے باعث اس کو احتجاجاً بند کرنے کا اعلان کیا تھا۔
وزیر صحت نے اس سلسلے میں ہاسپٹلز ایسوسی ایشن سے 5 گھنٹے کی میٹنگ کے دوران انہیں منانے کی کوشش کی جس میں وہ کامیاب رہے۔
وزیر صحت نے اس ضمن میں ای ٹی وی بھارت سے بات چیت کے دوران کہا کہ حکومت بہت جلد بقایہ جات کو ادا کرنے کے لیے اقدامات کریں گی اور اسکیم حسب معمول جاری رہے گی۔
ہاسپٹلز ایسوسی ایشن وزیر صحت کی میٹنگ سے غیر مطمئن نظر آئے اس معاملے میں ایسوسی ایشن اراکین نے اس تعلق سے بات کرنے سے گریز کیا۔ تاہم تنظیم کے اراکین نے دبے الفاظ میں بتایا کہ جزوی طور پر احتجاج واپس لیا گیا لیکن اگر مقررہ وقت پر رقم کی ادائیگی نہ ہوئی تو پھر آروگیہ شری کی خدمات روک دی جائیں گی۔