محکمہ بجلی کی لاپروائی سے بچہ کا ہاتھ کٹا

حیدرآباد میں محکمہ بجلی کی لاپروائی سے عوام کو سخت پریشانیوں کا سامنا کرنا پڑرہا ہے، آئے دن تار گرنے سے لوگ دشواریوں میں مبتلا ہیں۔

حیدرآباد شہر میں ہائی ٹینشن تار کی زد میں آنے سے ارباز نامی سات سالہ بچے کو اپنا ہاتھ کھودیناپڑا۔ یاد رہے کہ ارباز کے گھر کے باہر سے ہائی ٹینشن تار گزرتی ہے۔

بجلی محکمہ سے ناراض ارباز کے والدین کا کہنا ہیں کہ 'گزشتہ برس پتنگوں کے موسم میں اس تار پر پتنگ آکر گری تھی، ارباز اپنی پتنگ اتارنے کے لیے تار کے پاس گیا، جہاں اسےکرنٹ لگ گیا، جب ارباز کو ہوش آیا تو وہ اپنا ہاتھ کھو چکا تھا'۔

انہوں نے مزید کہا کہ 'حکومت کی جانب سے انہیں کوئی مالی امداد فراہم نہیں کی گئی'۔

اسی طرح دیگر محلے والوں نے کہا کہ 'کئی بار ان کے علاقے میں بجلی کے تار گرےاور انہوں نے متعلقہ محکمے کو اس بات کی اطلاع بھی دی، تاہم ابھی تک کوئی مثبت قدم نہیں اٹھائے گئے۔

محلے نے بجلی محکمے سے ان تاروں کو منتقل کرنے کا مطالبہ کیاہے۔