پروفیسر سید عین الحسن مولانا آزاد نیشنل اردو یونیورسٹی کے نئے وائس چانسلر

مولانا آزاد نیشنل اردو یونیورسٹی حیدرآباد کے نئے وائس چانسلر کے طور پر پروفیسر سید عین الحسن کے نام کا اعلان وزارت تعلیم کی جانب سے کیا گیا ہے۔

تلنگانہ کے شہر حیدرآباد میں واقع مولانا آزاد نیشنل اردو یونیورسٹی کے نئے وائس چانسلر کے نام کا اعلان وزارت تعلیم کی جانب سے کردیا گیا ہے۔

جواہر لال نہرو یونیورسٹی میں فارسی کے پروفیسر سید عین الحسن کو وزارت تعلیم نے مولانا آزاد نیشنل اردو یونیورسٹی حیدرآباد کا وائس چانسلر مقرر کیا ہے۔ وزارت نے گزشتہ روز (22 جولائی) کو ایک لیٹر کے ذریعے اس کی اطلاع دی۔

پروفیسر سید عین الحسن "آل انڈیا پرسین (فارسی) اسکالرز ایسو سی ایشن کے صدر بھی ہیں۔ وہ بنارس کے مقیم گنج علاقے کے رہائشی ہیں۔

مولانا آزاد نیشنل اردو یونیورسٹی کے نئے وائس چانسلر کے طور پر پروفیسر سید عین الحسن کی تقرری کے بعد اہل بنارس کے لوگوں کے لیے یہ خوشی کا موقع ہے۔