امجد باشا نے تلنگانہ مائناریٹی ریزیڈنشل اسکولز کا دورہ کیا

آندھراپردیش کے نائب وزیر اعلیٰ امجد باشا نے آج تلنگانہ مائناریٹی ریزیڈنشل اسکولز کا معائینہ کیا۔

چیف منسٹر ریاست آندھرا پردیش وائی ایس جنگ موہن ریڈی مسلم اقلیتوں کی تعلیمی ترقی کیلئے سنجیدہ ہیں اور مسلم اقلیتوں کی تعلیم کیلئے تلنگانہ مینارٹیز ریسڈینشل اسکول کی طرز پر تعلیمی اداروں کے قیام کے خواہاں ہیں اس ضمن میں انہوں نے ڈپٹی چیف منسٹر و وزیر اقلیتی بہبود ریاست آندھرا پردیش امجد باشا کی زیر قیادت ایک وفد تلنگانہ روانہ کیا اور تلنگانہ حکومت کی زیر نگرانی کارکرد اقلیتی تعلیمی اداروں کے مطالعاتی دورہ پر روانہ کیا-

آندھراپردیش کے وزیراقلیتی بہبود نے سیکریٹری تلنگانہ مینارٹیز ریزیڈنشل ایجوکیشنل سوسائٹی شفیع اللہ آئی ایف ایس کے ہمراہ میناریٹی اسکول برائے طالبات واقع خیریت آباد اور اسکول برائے طلبا واقع امیر پیٹ کا تفصیلی دورہ کیا اور طلباء سے بات کی۔

انہوں نے بتایا کہ اقامتی اداروں میں طلباء و طالبات کو تمام تر سہولیات کے ساتھ معیاری تعلیم فراہم کی جارہی ہے اور وہ حکومت تلنگانہ کی اس تعلیمی پالیسی سے بے حد متاثر ہیں۔

امجد باشا نے کہاکہ وہ چیف منسٹر جگن موہن ریڈی کو جلد از جلد اس سلسلے میں رپورٹ پیش کریں گے اور کوشش کریں گے کہ آندھرا پردیش میں آئندہ تعلیمی سال سے اس طرح کے اسکولز کا آغاز ہوسکے۔

تلنگانہ مائناریٹی ریزیڈنشل اسکول انتظامیہ نے آندھرا ئی وزیر کے دورہ پر فخر کا اظہار کیا۔