شہریت (ترمیمی) 2019 قانون کی منظوری کے بعد ہی سے ملک بھر میں لگاتار احتجاجی مظاہرے جاری ہیں۔ جس کا آج تیسواں دن ہے۔
شہریت ترمیمی قانون کے خلاف کل رات میں حیدرآباد کے علاقہ مہدی پٹنم میں خواتین نے پرامن احتجاج کیا۔ ان کے ہاتھ میں قومی پرچم تھے۔
خواتین نے اس موقع پر نریندر مودی زیر قیادت این ڈی اے حکومت کے خلاف نعرے بازی کی۔
وہاں موجود خواتین کا کہنا ہے کہ وہ شہریت ترمیمی قانون کو مسترد کرتی ہیں۔
مزید پڑھیں: سی اے اے کے خلاف حیدرآباد میں ترنگا ریلی‘ لاکھوں عوام کی شرکت
اس احتجاج میں خواتین جوش و جذبہ دیکھنے لائق تھا۔ خواتین نے کہا کہ وہ حکومت کے سیاہ قوانین کو مسترد کرتی ہے۔
انہوں نے کہا کہ اس انوکھے احتجاج کے ذریعہ وطن سے محبت اور سیاہ قوانین کے خلاف اپنا احتجاج درج کروانا چاہتی ہیں۔
