تلنگانہ : ضمنی انتخاب کے لیے ٹی آرایس امیدوار کا اعلان

دوباک اسمبلی حلقے کے لیے حکمراں جماعت ٹی آرایس امیدوار کےطورپر ایس سجاتا کے نام کا اعلان کیا گیا ہے۔

ٹی آرایس پارٹی کےصدر اور وزیر اعلی کے چندرشیکھر راؤ نے دوباک اسمبلی حلقے کے ضمنی انتخاب کے لیے ٹی آر ایس امیدوار کے طور پر آنجہانی رکن اسمبلی سولیپیٹا راملنگا ریڈی کی بیوہ سولیپیٹا سجاتا کے نام کو حتمی شکل دے دی ہے۔

وزیراعلی نے کہا کہ سولیپیٹا راملنگا ریڈی تلنگانہ تحریک میں سرگرم عمل تھے۔ انہوں نے پارٹی کے لئے لگن کے ساتھ کام کیا۔ راملنگاریڈی نے دوباک حلقہ کی ترقی کے لئے اپنی آخری سانس تک بہت محنت کی۔

مرحوم وزیراعلی کے سی آر کے قریبی سمجھتے جاتے تھے اور یہی وجہ ہے دوباک حلقے کے ضمنی اسمبلی انتخاب میں ٹی آرایس امیدوار کے طور پر ان کی اہلیہ کا انتخاب کیا گیا ہے۔