بی آر ایس کی حکومت دوبارہ بننے پر ایل پی جی سلینڈر چار سو روپے میں دیا جائے گا: کے تارک راما راؤ

تلنگانہ کے ریاستی وزیر کے ٹی آر نے اعلان کیا ہے کہ اگر ان کی حکومت دوبارہ بنتی ہے تو عوام کو ایل پی جی سلینڈر 400 روپے میں فراہم کیا جائے گا۔ When the BRS government is formed again cooking gas will be given for 400 rupees

حیدرآباد:تلنگانہ کے ریاستی وزیرکے ٹی آر نے گیس سلنڈر کی قیمتوں میں اضافہ اور مہنگائی پر بی جے پی پر سخت نکتہ چینی کرتے ہوئے کہا کہ بی جے پی کے دور میں صرف مہنگائی کا بول بالا ہوا ہے۔ کسی عوام کا بول بالا نہیں ہوا ہے۔ کے ٹی آر نے طنز کرتے ہوئے کہا کہ بی جے پی کے دور کے اچھے دن آگئے ایل پی جی کی قیمت گیارہ سو سے زیادہ ہوگئی۔ مہنگائی ملک کی عوام کو بی جے پی کا تحفہ ہے۔ تلنگانہ کے وزیر انفارمیشن وٹکنالوجی، کے تارک راما راؤ نے بی جے پی پر مہنگائی، بے روزگاری اور دیگر فرقہ وارانہ ہم آہنگی کو نقصان پہنچانے کا الزام عائد کرتے ہوئے کہا کہ مودی کے دور اقتدار میں عام آدمی کا جینا محال ہوتا جارہا ہے۔

تلنگانہ کے وزیر انفارمیشن وٹکنالوجی، کے تارک راما راؤ نے مہنگائی پر بی جے پی پر مزید تنقید کرتے ہوئے کہا کہ مہنگائی دن بہ دن آسمان چھوتی جارہی ہے۔ پچھلے نو سالوں میں بی جے پی نے عوامی فلاح وبہبود کے لیے کوئی کام نہیں کیا ہے۔ انتخابات میں کامیابی کے لیے ہندو اور مسلم کے درمیان نفرت پھیلاتے رہتے ہیں۔ تلنگانہ اسمبلی انتخابات کے پیش نظر بی آر ایس کانگریس اور بی جے پی کی انتخابی مہم تیزی سے جاری ہے۔ تینوں ہی پارٹیاں انتخابات میں کامیابی کا دعویٰ کر رہی ہے۔