بھارت کی جنوبی ریاست تلنگانہ کے دارالحکومت حیدرآباد میں ملکاجگری کے اسسٹنٹ پولیس کمشنر (اے سی پی) نرسمہا ریڈی کے مکان کی (اینٹی کرپشن بیورو) اے سی بی نے تلاشی لی۔
آمدنی سے زائد اثاثہ جات رکھنے کے معاملہ میں اے سی بی کی ٹیمز نے ان کے ساتھ ساتھ ان کے رشتہ داروں اور دوستوں کے مکانات کی تلاشی لی ہے۔
ان ٹیمز کی جانب سے 12 مقامات پر ایک ساتھ یہ تلاشی لی گئی ہے، قبل ازیں اُپَّل کے سرکل انسپکٹر کے طور پر خدمات انجام دینے کے دوران ان کی جانب سے مبینہ طور پر آمدنی سے زائد اثاثہ جات رکھنے کا الزام ہے۔
حیدرآباد کے مہیندرا ہلز، ڈی ڈی کالونی، عنبرپیٹ، اُپَّل کے ساتھ ساتھ ضلع ورنگل میں تین، کریم نگر میں دو، نلگنڈہ میں دو اور اننت پور میں دومقامات پر یہ تلاشی لی گئی ہے۔
