ضلع گوداوری کے جنگاریڈی گوڑم میں ماں کے انتقال کے بعد بیٹے نے ماں کی لاش کو اپنے گھر میں ہی رکھا اور خاندان کے دیگر ارکان کو آخری رسومات ادا کرنے سے روک رہا تھا۔ بالآخر پولیس نے مداخلت کرتے ہوئے میونسپل عملے کی مدد سے لاش کو منتقل کیا اور خاندان کے دیگر ارکان نے خاتون کی آخری رسومات ادا کیں۔
اطلاعات کے مطابق 79 برس کی منجولا دیوی جنگاریڈی گوڑم کے ایک اپارٹمنٹ میں اپنے بیٹے رویندر پھانی کے ساتھ رہا کرتی تھی جبکہ ان کے بیٹے کا دماغی توازن ٹھیک نہیں ہے۔ منجولا دیوی کا 5 روز قبل علالت کے بعد انتقال ہوگیا۔ ریویندر، آخری رسومات ادا کرنے کے بجائے لاش کو گھر میں رکھا ہوا تھا اور مقامی لوگوں کو بھی آخری رسومات ادا کرنے کی اجازت نہیں دے رہا تھا جبکہ علاقہ میں بدبو پھیل گئی تھی۔
بالآخر لوگوں نے مداخلت کرتے ہوئے لاش کو آخری رسومات ادا کرنے کے لیے منتقل کیا۔ پولیس کے مطابق رویندر کی ذہنی حالت ٹھیک نہیں ہے جبکہ مقامی لوگوں نے بتایا کہ کچھ عرصہ قبل اس کی بہن کا انتقال ہوا تھا اور اس وقت بھی رویندر نے اس طرح کا رویہ اختیار کیا تھا۔