تلنگانہ: بجلی کے جھٹکے سے بچے کی موت

ریاست تلنگانہ کے ضلع کمبھم بھیم آصف آباد کے دھرمارم میں بجلی کے کھمبے کے ارتھ وائر کو چھونے سے پانچ سال کا بچہ ہلاک ہو گیا۔ بتایا گیا کہ بچہ نے کھیلتے کھیلتے ارتھ وائر کو چھو لیا اور موقع پر ہی ہلاک ہوگیا۔

کنبہ کے افراد اور دیہاتیوں کا الزام ہے کہ محکمہ بجلی کی غفلت کے نتیجے میں لڑکے کی موت ہوئی ہے۔

ضلع کمبھم بھیم آصف آباد میں ریبینا منڈل دھرمارم میں یہ المیہ پیش آیا۔ پانچ برس کا سائی کرشنا کھیلتے کھیلتے بجلی کے کھمبے سے ملحقہ ارتھ وائر کو چھوگیا جس کے بعد اسے بجلی کا ناقابل برداشت جھٹکا لگا اور وہ وہیں دم توڑ گیا۔

کھیلتے ہوئے بچے کی اچانک موت سے کنبے کے افراد پر سکتہ طاری ہوگیا اور وہ غم سے نڈھال ہیں۔

کنبے کے لوگ اور مقامی لوگوں نے الزام لگایا کہ محکمہ بجلی کی مجرمانہ غفلت کی وجہ سے لڑکا ہلاک ہوگیا۔