رنگاریڈی: سڑک حادثہ میں چھ افراد ہلاک، 15 زخمی

شمس آباد علاقے میں ایک لاری اور کار کے درمیان تصادم ہوگیا جس کے سبب حادثہ میں چھ افراد ہلاک جبکہ 15 دیگر زخمی ہوگئے ہیں۔

ریاست تلنگانہ کے ضلع رنگاریڈی کے شمس آباد علاقے میں ایک سڑک حادثہ پیش آیا ہے جس میں چھ افراد ہلاک ہوگئے ہیں جبکہ 15 دیگر زخمی ہیں، زخمیوں کو علاج کے لئے اسپتال میں داخل کرایا گیا ہے۔

ذرائع کے مطابق ایک لاری میں 30 سبزی فروش سوار تھے جو سبزیاں فروخت کرکے اپنے گھر واپس لوٹ رہے تھے اسی دوران سامنے سے آتی ایک کار نے لاری کو ٹکر مار دی جس کے سبب یہ حادثہ پیش آیا۔

پولیس نے معاملہ درج کر کے تمام لاش کو پوسٹ مارٹم کے لئے بھیج دیا ہے جبکہ زخمیوں کو فورا اسپتال منتقل کیا گیا ہے۔