ضعیف خاتون کورونا سے صحتیاب

ریاست تلنگانہ میں 80 برس کی ضعیف العمر خاتون کورونا سے صحتیاب ہوگئی ہیں۔

کووڈ-19 کے بڑھتے کیسز کے دوران ایک خوش آئند خبر سامنے آئی ہے، جس میں 80 برس کی ایک خاتون جو کورونا میں مبتلا تھیں، صحتیاب ہوگئی ہیں۔

ضلع عادل آباد سے متعلقہ 80 برس کی خاتون کورونا میں مبتلا تھیں، انھیں علاج کے لیے حیدرآباد کے گاندھی ہسپتال میں داخل کیا گیا۔ 19 اپریل کو ضعیف خاتون کورونا مثبت پائی گئیں جس کے بعد ان کا 20 دن تک علاج کیا گیا۔

تاہم اب وہ صحتیاب ہوگئی ہیں۔ ڈاکٹرز نے دو بار ان کا ٹیسٹ کیا جس میں ان کی رپورٹ منفی آئی۔

منفی رپورٹ آنے کے بعد انتظامیہ نے انھیں ڈسچارج کردیا۔