تلنگانہ میں کووڈ-19کے337 نئے معاملات درج

تلنگانہ میں کووڈ-19کے337 نئے معاملے درج کیے گئے ہیں جس کے بعد ریاست میں معاملات کی تعداد بڑھ کر 3 لاکھ 3455 ہزار ہوگئی ہے۔

تلنگانہ میں حال ہی میں کورونا کیسز میں کچھ زیادہ ہی اضافہ دیکھنے میں آیا ہے۔ جہاں کووڈ-19کے337 نئے معاملے درج ہونے کے ساتھ ہی کورونا معاملات کی تعداد بڑھ کر جملہ 3 لاکھ 3455 ہزار ہوگئی ہے۔ علاوہ ازیں بہ حیثیت مجموعی اموات کی تعداد بڑھ کر 1,671 ہوگئی ہے، کیونکہ گزشتہ 24گھنٹوں کے دوران مزید 2 اموات ہوئی ہیں۔

تلنگانہ میں کوویڈ 19کے337 نئے معاملات درج

تلنگانہ محکمہ صحت کی جانب سے جاری کردہ بلیٹن میں کہا گیا ہے کہ ریاست میں 181 افراد روبہ صحت ہوئے ہیں جس کے بعد ریاست میں اب تک اس مرض سے روبہ صحت ہونے والوں کی تعداد بڑھ کر 2 لاکھ 98,826 ہزار ہوگئی ہے۔ ریاست میں سرگرم معاملات کی تعداد 2,958ہے، جن میں 1,226مریض گھروں پر یا پھر اسپتالوں میں الگ تھلگ رکھے گئے ہیں جہاں ان کا علاج کیاجارہا ہے۔

محکمہ صحت کے مطابق گزشتہ 24گھنٹوں کے دوران 37,079 کوویڈ 19کے معائنے کئے گئے تاہم 404 نمونوں کی رپورٹس کا انتظار ہے۔ بہ حیثیت مجموعی 96.50 لاکھ نمونوں کی جانچ ریاست میں اس مرض کے پھیلنے کے بعد سے کی گئی ہے۔ جی ایچ ایم سی حدود میں 91 نئے معاملات درج کئے گئے ہیں۔ بقیہ معاملات ریاست کے دیگر اضلاع میں درج کئے گئے۔

یو این آئی