تلنگانہ میں کووڈ-19 کے 278 نئے معاملات درج

تلنگانہ میں کووڈ-19کے 278 نئے معاملات درج کیے گئے ہیں جس کے بعد ریاست میں کورونا کے کیسز کی تعداد بڑھ کر 3,02,047 ہوگئی ہے۔ ریاست میں اموات کی تعداد بڑھ کر مجموعی طور پر 1,662 ہو گئی ہے کیونکہ گذشتہ 24 گھنٹوں کے دوران مزید تین اموات ہوئی ہیں۔

محکمہ صحت کی جانب سے جاری کردہ بلیٹن میں کہا گیا ہے کہ ریاست میں 111 افراد روبہ صحت ہوئے ہیں جس کے بعد ریاست میں اب تک اس مرض سے روبہ صحت ہونے والوں کی تعداد بڑھ کر 2,98,120 ہوگئی ہے۔

ریاست میں سرگرم معاملات کی تعداد 2,265 ہے جن میں 830 مریض گھروں پر یا پھر اسپتالوں میں الگ تھلگ رکھے گئے ہیں جہاں ان کا علاج کیاجارہا ہے۔

گذشتہ 24 گھنٹوں کے دوران 59,905 کووڈ-19 کے معائنے کئے گئے تاہم 542 نمونوں کی رپورٹس کا انتظار ہے۔

بہ حیثیت مجموعی 94.19 لاکھ نمونوں کی جانچ ریاست میں اس مرض کے پھیلنے کے بعد سے کی گئی ہے۔ جی ایچ ایم سی حدود میں 35 نئے معاملات درج کئے گئے ہیں۔ بقیہ معاملات ریاست کے دیگر اضلاع میں درج کئے گئے۔

یواین آئی