ISRO Chandrayaan 3 چندریان 3 مشن میں خواتین کا بھی اہم کردار

ہندوستانی خلائی ایجنسی اسرو کے چندریان 3 مشن کی قیادت مرد کر رہے ہیں، لیکن خواتین کی ایک بڑی تعداد اس میں کردارادا کررہی ہے۔ چندریان 2 مشن میں دو خواتین ایم ونیتا اور ریتو کریدھل سریواستو نے بھی اہم کردارادا کیا۔

چنئی: چندریان -2 مشن کے برعکس، چندریان -3 مشن کی قیادت مرد کررہے ہیں، لیکن خواتین کی ایک بڑی تعداد نے اس میں اہم کردار ادا کیا ہے۔ ہندوستانی خلائی ایجنسی کے ایک سینئر عہدیدار نے نام ظاہر نہ کرنے کی شرط پر IANS کو بتایا کہ "چندریان-3 مشن پر تقریباً 54 خواتین انجینئرز/سائنسدان کام کر رہی ہیں۔ وہ مختلف مراکز پر کام کرنے والے مختلف نظام کے ایسوسی ایٹ اور ڈپٹی پروجیکٹ ڈائریکٹرز اور پروجیکٹ مینیجر ہیں۔"

چندریان -2 اور چندریان -3 مشن کے درمیان جو چیز مشترک ہے وہ ہے چاند کی سطح پر لینڈر کی نرم لینڈنگ اور روور کے کچھ کیمیائی تجربات۔ تاہم دونوں مشنوں کے درمیان لینڈر کی خصوصیات پے لوڈ کے تجربات اور دیگر میں فرق ہے۔ چندریان 2 اور 3 مشن کے درمیان واضح فرق ان دونوں قمری مشنوں کی قیادت کرنے والے لوگوں کے جنس ہے۔ چندریان-2 مشن میں دو خواتین ڈائریکٹرز ایم ونیتا اور مشن ڈائریکٹر ریتو کریدھل سریواستو نے اہم کردار ادا کیا۔

چندریان 3 کے مشن ڈائریکٹر موہن کمار ہیں، وہیکل/راکٹ ڈائریکٹر بیجو سی تھامس ہیں اور خلائی جہاز کے ڈائریکٹر ڈاکٹر پی ویراموتھویل ہیں۔ ہندوستانی راکٹ LVM3 جمعہ کو سری ہری کوٹا راکٹ بندرگاہ سے دوپہر 2.35 بجے چندریان 3 خلائی جہاز کے ساتھ روانہ ہوگا۔ خلائی جہاز ایک لینڈر اور روور پر مشتمل ہے۔