چینئی کے دو صحافی کورونا وائرس سے متاثر

چینئی میں آج دو صحافیوں کا کورونا ٹسٹ مثبت پایا گیا جس کے بعد صحافی برادری میں تشویش کی لہر دوڑ گئی۔

چینئی کے دو مختلف اداروں سے تعلق رکھنے والے دو صحافی کورونا جانچ میں مثبت آنے کے بعد صحافیوں کے تحفظ کو لیکر سوال اٹھنے لگے ہیں۔

اطلاعات کے مطابق ایک میڈیا ہاوز سے تعلق رکھنے والا رپورٹر جو محکمہ صحت کی رپورٹنگ کیا کرتا تھا کورونا وائرس سے متاثر پایا گیا جسے کورنٹائن کردیا گیا ہے۔

ایک اور ادارے کا سب ایڈیٹر اور اس کے ارکان خاندان کا کورونا ٹسٹ مثبت آنے کے بعد تمام کو آئسولیشن میں رکھا گیا ہے اور طبی نگہداشت کی جارہی ہے۔