وزیراعلی پر حراستی قتل چھپانے کا الزام

تمل ناڈو کی اپوزیشن پارٹی دراوڈا مننیترا کھاگام کے صدر ایم کے اسٹالن نے مزید کہا ہے کہ 'ریاست کے وزیراعلی اس معاملے کو سنجیدگی سے نہیں لے رہے ہیں۔ اسی لیے انھوں نے وزیراعلی کے عہدے پر رہنے کا اخلاقی حق کھو دیا ہے'۔

تمل ناڈو کے شہر تھوتھوکڑی میں پولیس کے زیر حراست ایک شخص اور اس کے بیٹے کے قتل پر حزب اختلاف نے تامل ناڈو کے وزیراعلی ایڈپاڈی کے پلانی سوامی پر حراستی قتل چھپانے کا الزام عائد کیا ہے۔

تامل ناڈو وزیراعلی پر حراستی قتل چھپانے کا الزام

اپوزیشن پارٹی دراوڈا مننیترا کھاگام کے صدر ایم کے اسٹالن نے حکومت پر تنقید کرتے ہوئے کہا ہے کہ 'والد اور بیٹے کی موت پولیس کی ظلم و زیادتی اور حراستی قتل کی وجہ سے ہوئی ہے'

اسٹالین نے کہا ہے کہ 'پولیس اہلکاروں نے اسٹیشن کے حدود میں دوافراد کا وحشیانہ قتل کیا ہے۔ لیکن غلط طور پر اس کی وجہ خرابی صحت بتائی جارہے ہے'۔

اس سے قبل تامل ناڈو حکومت نے کویلپٹی ایسٹ پولیس اسٹیشن میں درج باپ بیٹے کی موت کے معاملے سے متعلق معاملہ مرکزی تفتیشی بیورو (سی بی آئی) کو منتقل کرنے کا حکم جاری کیا۔

بتادیں کہ پی جےاراج (59) اور ان کے بیٹے جے بینکس (31) کو 19 جون کو گرفتار کیا گیا تھا۔ انھیں کورونا وائرس لاک ڈاؤن کے دوران عائد کرفیو کے باوجود سچنکلم مین بازار کے علاقے میں موبائل فون کی دکان کو کھلا رکھنے کے الزام میں کویلپٹی سب جیل میں قید کیا گیا تھا۔

جے اراجو اور بینکس کو 22 جون کو کویلپٹی کے سرکاری اسپتال میں داخل کرایا گیا تھا۔ جبکہ اسی رات بیٹے کی موت ہوگئی۔ والد نے 23 جون کی صبح آخری سانس لی۔

اطلاعات کے مطابق دو سینئر انسپکٹرز کو معطل کردیا گیا ہے جبکہ کارروائی ابھی بھی جاری ہے۔