Tamil Nadu Rain: تمل ناڈو میں بارش سے اب تک 59 افراد جاں بحق

تمل ناڈو میں بھاری بارش Tamil Nadu Rain کے سبب دیوار گرنے سے مزید ایک شخص کی موت کے بعد پیر کو اموات کا اعدادوشمار بڑھ کر11 ہو گیا۔ ریاست میں اب تک بارش اور سیلاب کی وجہ سے مجموعی طورپر 59 افراد اپنی جان گنوا چکے ہیں۔

ریاست کے ریونیو اور ڈیزاسٹر منیجمنٹ Revenue and Disaster Management کے وزیر کے کے ایس ایس آر رام چندرن Sattur Ramachandran نے بارش کی صورتحال کا جائزہ لینے کے بعد نامہ نگاروں کو بتایا کہ کڈالور ضلع سے موت کی خبرسامنے آئی ہے۔

انہوں نے کہا کہ ریاست میں شمال مشرقی مانسون کے آغاز Northeast Monsoon Begins سے اب تک بارش اور سیلاب کی وجہ سے 59 لوگوں کی موت ہو چکی ہے اور مرنے والوں کے لواحقین کومعاونت کے طورپر 2.36 کروڑ روپے کی امدادی رقم دی گئی ہے۔

رام چندرن نے کہا کہ 13 زخمیوں کو امداد کے طور پر 55900 روپے کی رقم دی گئی ہے۔ معلومات کے مطابق ریاست بھر میں اب تک 5600 مرغیوں اور 209 مویشیوں کی موت ہوچکی ہے اور 1074 جھونپڑیوں اور 189 مکانات کو جزوی اور 65 جھونپڑیوں کو مکمل طور پر نقصان پہنچا ہے۔

انہوں نے کہا کہ 2783 مویشیوں کی موت کے لئے معاوضے کے طور پر 2.84 کروڑ روپے دئے گئے ہیں اور 24810 تباہ شدہ جھونپڑیوں کے لیے 10.17 کروڑ روپے جاری کیے گئے ہیں۔

حکومت متاثرہ خاندانوں کو معاوضہ دینے کے لیے فوری اقدامات کر رہی ہے۔ بارش اور سیلاب سے متاثر ہونے والے تقریباً 15000 سے زیادہ لوگوں کو تروولور، چینگلپیٹ، کانچی پورم، ویلوپورم، کڈالور، ناگاپٹنم، تنجاور، پڈوکوٹائی، پیرمبلور، آریالور، رانی پیٹ، تھوتوکوڈی، رامناتھ پورم، تریچی،، تروپٹور، تروونناملائی اور ویلور اضلاع کے 182 ریلیف کیمپوں میں رکھاگیا ہے۔

چنئی میں 1503 لوگوں کو 13 ریلیف کیمپوں میں رکھا گیا تھا، جہاں انہیں خوراک اور ادویات فراہم کی گئیں۔ وزیراعلیٰ ایم کے اسٹالن نے چینگلپیٹ اور کانچی پورم اضلاع کے سیلاب سے متاثرہ علاقوں اور شہر کے کچھ علاقوں کا دورہ کیا۔ وہ ریلیف کیمپوں میں گئے اور لوگوں کو امدادی سامان فراہم کیا۔

یو این آئی