سرکاری ذرائع کے مطابق نرسوں کی تقرری چھ ماہ کے لیے کانٹریکٹ کی بنیاد پر کی جائے گی۔
اس سلسلے میں کارروائی پہلے ہی شروع ہو چکی ہے اور تقرری کے احکامات جاری کیے جا رہے ہیں۔
تمل ناڈو حکومت 2570 نرسوں کی تقرری کرے گی
تمل ناڈو کے وزیراعلی ای کے پلانی سوامی نے کووڈ 19 سے متاثرہ افراد کے علاج کے لیے کانٹریکٹ کی بنیاد پر 2570 نرسوں کی تقرری کرنے کا حکم دیا ہے۔
covid 19
تقرری کے احکامات ملنے کے تین روز کے اندر ڈیوٹی پر حاضر رہنے کے احکامات دیے گئے ہیں۔
چالیس فیصد نرسوں کو سرکاری میڈیکل کالجوں اور ضلع اسپتالوں میں اور تقریبا دس سے پندرہ فیصد تحصیل اسپتالوں میں ضرورت کے مطابق تقرری کی جائے گی۔
وزیر اعلی نے بتایا کہ کورونا وائرس کی وبا سے نمٹنے کے لیے ریاستی حکومت پہلے ہی 530 ڈاکٹر، 2323 نرسوں، 1508 لیب میں کام کرنے والے اہلکاروں اور 2715 صحت کی نگرانی والوں کی تقرری کر چکی ہے۔