ہائی کورٹ کے ریٹائرڈ جج کرنن کورونا متاثر

خواتین اور عدلیہ پر قابل اعتراض تبصرہ کرنے والے کولکاتہ ہائی کورٹ کے ریٹائرڈ جج جسٹس سی ایس کرنن آج کورونا وائرس سے متاثر پائے گئے ہیں۔ فی الحال ان کی حالت مستحکم بتائی گئی ہے۔

ریاست تمل ناڈو کے چنئی میں واقع سرکاری اسٹینلی میڈیکل کالج ہسپتال کے ڈین پی بالاجی کے مطابق ہائی کورٹ کے ریٹائرڈ جج جسٹس سی ایس کرنن کو منگل کی شام کو تھکان اور سانس لینے میں دقت کی وجہ سے ہسپتال لایا گیا تھا۔ سی ٹی اسکین سے پھیپھڑے میں دقت کا پتہ چلنے کے بعد کورونا وائرس (آر ٹی پی سی آر) ٹیسٹ کیا گیا، جس کی رپورٹ آج پازیٹیو آئی ہے، حالانکہ ان کی حالت اب مستحکم ہے۔

واضح رہے کہ ایک ویڈیو کلپ میں خواتین اور عدالتی افسروں پر قابل اعتراض تبصرہ کرنے کے معاملے میں دو دسمبر کو چنئی سائبر کرائم پولیس کے ذریعہ گرفتار کیے جانے کے بعد کرائے گئے ٹیسٹ میں مسٹر کرنن کی رپورٹ نگیٹو آئی تھی۔