واضح رہے کہ درج فہرست ذات (ایس) کے ایک نوجوان وی شنکر نے تھیور (دیگرپسماندہ طبقہ) کمیونٹی کی لڑکی سی کوشلیا کے ساتھ شادی کی تھی جس کی وجہ سے 13مارچ 2016 کو اڈمل پیٹ میں اس کو قتل کردیا گیا تھا۔ وی شنکر میکنیکل انجینئرنگ کے آخری برس کا طالب علم تھا اور اس نے کالج میں ساتھ پڑھنے والی سی کوشلیا سے شادی کی تھی۔
جج ایم ستیہ نارائن اور جج نرمل کمار پر مشتمل بنچ نے معاملے کے قصورواروں کی طرف سے دائر عرضیوں پر یہ فیصلہ سنایا۔ بنچ نے اس دوران معاملے میں تین ملزمین کو بری کیے جانے کے خلاف ریاستی حکومت کی اپیل کو خارج کردیا۔
بنچ نے اہم ملزم بی چنا سوامی (کوشلیا کے والد) کو مجرمانہ سازش رچنے سمیت تمام الزامات سے بری کردیا۔ اس سے پہلے نچلی عدالت نے بی چنا سوامی اور پانچ دیگر ملزمین کو موت کی سزا سنائی تھی۔ بنچ نے حکم دیا کہ بی چنا سوامی کو جیل سے رہا کیا جائے اور اگر اس کی طرف سے کسی طرح کی جرمانہ کی رقم ادا کی گئی ہے تو اسے واپس کیا جائے۔