ریاست کیرالہ کے محکمہ جنگلات نے کوویڈ 9 کے پھیلاؤ کو روکنے کے لیے کیے گئے لاک ڈاؤن کے درمیان جنگلات میں مقیم قبائلی برادریوں کے اراکین کی مدد کے لیے پہل کی ہے۔
اطلاعات کے مطابق 'وانیکا اسکیم' جنگل کی پیداوار کی خریداری اور اسے کھلی منڈیوں میں مہیا کرنے کے لئے پیش کی گئی تھی۔
کیرالہ حکومت کی قبائلی خاندانوں کی مدد کے لئے وانیکا اسکیم متعارف پائلٹ اسکیم کوٹور اگاستیوینم حیاتیاتی پارک میں شروع کی گئی ہے۔
لاک ڈاؤن کی وجہ سے ، قبائلی برادریوں کے ممبروں کو پیداوار نکالنے اور فروخت کرنے میں مشکل پیش آرہی ہے۔ کوٹور اور منگوڈو سمیت جنگل کے 11 گاؤں (اورو) میں 200 کے قریب قبائلی خاندان رہتے ہیں۔
اس منصوبے کے تحت آم ، کڑ پھل ، کاجو ، شہد اور ربڑ کی فروخت کرنے کے لئے ایک پلیٹ فارم مہیا کرنا ہے جو یہ خاندان جنگلات سے جمع کرتے ہیں۔ ایکو ڈویلپمنٹ کمیٹی کے اشتراک سے ، وینیکا یہ مصنوعات دیہات اور قصبوں میں رہنے والے لوگوں میں بھی بانٹتی ہے۔
ای ٹی وی بھارت سے بات کرتے ہوئے ، بیٹ فارسٹ آفیسر ، گوپیکا نے کہا کہ محکمہ جنگلات جنگل کی پیداوار جمع کرتا ہے اور اسے ضلع میں رہائش پذیر لوگوں تک پہنچاتا ہے۔ صارفین اپنے آرڈر محکمہ کے زیر انتظام واٹس ایپ گروپ کے ذریعہ دے سکتے ہیں۔
جنگل کے رہائشیوں کے لئے خوراک اور مالی تحفظ کو یقینی بنانے کے لئے متعارف کرایا گیا ’وانیکا‘ اقدام ، کوویڈ وبائی بیماری اور لاک ڈاؤن اقدامات کے بعد ٹکنیکل، سماجی کارکنوں اور کاروی باری افراد سے بہتر جواب مل رہا ہے۔
یہ اسکیم یہ بھی یقینی بناتی ہے کہ وہ لاک ڈاؤن کے دوران کہیں اور لوگوں کے ساتھ براہ راست نمائش میں نہ آئیں اور جہاں بھی ہوں محفوظ رہیں۔ اس اقدام کو مزید قبائلی علاقوں تک بڑھایا جائے گا۔
عوام قبائلی علاقوں سے جمع کی جانے والی پیداوار بدھ اور ہفتہ کو صبح 10 بجے سے شام 5 بجے کے درمیان خرید سکتے ہیں۔
