Toxic Liquor In Tamil Nadu تمل ناڈو میں زہریلی شراب پینے سے پانچ لوگوں کی موت

تمل ناڈو میں زہریلی شراب پینے سے پانچ لوگوں کی موت ہو گئی ہے جس میں ایک معمر خاتون بھی شامل ہے۔ اس سلسلے میں چار پولیس اہلکاروں کو معطل کر دیا گیا۔ poisonous liquor in Tamil Nadu

چنئی: تمل ناڈو کے ضلع ولوپورم میں ماراکنم کے نزدیک ایکیاکوپم گاؤں میں اتوار کے روز زہریلی شراب پینے سے معمر خاتون سمیت پانچ افراد کی موت ہو گئی اور کم از کم 14 کو اسپتال میں داخل کرایا گیا ہے۔ پولس کا کہنا ہے کہ شراب نکلی ہونے کا شبہ ہے۔ اس سلسلے میں چار پولیس اہلکاروں کو معطل کر دیا گیا۔ رپورٹس میں کہا گیا ہے کہ 15 سے زیادہ لوگوں نے زہریلی شراب پی رکھی تھی، جن میں زیادہ تر ایکیارکوپم کے ساحلی گاؤں کے ماہی گیر تھے۔ یہ لوگ ہفتہ اور اتوار کی درمیانی شب شراب پیتے تھے۔ زہریلی شراب پینے والے لوگوں کو الٹی ہوئی اور بے ہوش ہونے لگے۔ بعد میں انہیں منڈیمبکم کے ولوپورم گورنمنٹ میڈیکل کالج اسپتال، جواہر لال انسٹی ٹیوٹ آف پوسٹ گریجویٹ میڈیکل ایجوکیشن اینڈ ریسرچ (جے آئی پی ایم ای آر) اور پڈوچیری کے پانڈیچیری انسٹی ٹیوٹ آف میڈیکل سائنسز (PIMS) لے جایا گیا، جہاں تین لوگوں کو مردہ قرار دیا گیا۔

بعد ازاں دن میں اسپتال میں علاج کے دوران ایک شخص کی موت ہوگئی۔ شام میں ایک معمر خاتون نے ولوپورم کے سرکاری اسپتال میں زخموں کی تاب نہ لاتے ہوئے دم توڑ دیا۔ جس سے مرنے والوں کی تعداد پانچ ہو گئی۔ واضح رہے کہ اپریل 2023 میں بہار کے موتیہاری میں زہریلی شراب پینے سے تقریبا 22 افراد کی موت ہو گئی تھی۔ اس معاملے میں قصوروار پائے جانے والوں کے خلاف سخت کارروائی کی گئی۔ اس اسکینڈل میں 70 شراب تاجروں کو گرفتار کیا گیا تھا۔ جبکہ 2 افسران اور 9 چوکیداروں کو معطل کر دیا گیا تھا۔

یو این آئی