چنئی سیلاب میں پھنسے عامر خان کو بچالیا گیا

جنوبی ہند کی ریاستیں تمل ناڈو، آندھرا پردیش اور پڈوچیری سمندری طوفان میچونگ کی زد میں آنے ہیں۔ خصوصی طور پر تمل ناڈو میں چینئی اور کئی دیگر اضلاع سیلاب سے جوجھ رہے ہیں۔ یہاں نیشنل ڈیزاسٹر ریسپانس فورس کی ٹیمیں راحت رسانی اور بچاؤ کے کاموں میں مصروف ہیں۔ اسی درمیان بالی ووڈ اسٹار اداکار عامر خان کو چنئی کے سیلاب سے بچایا گیا۔ Actor Aamir Khan rescued from Chennai floods

چنئی، تمل ناڈو:میچونگ نامی سمندری طوفان کے اثر کے سبب منگل کو بھی چنئی اور اس کے آس پاس کے اضلاع میں شدید بارش کا سلسلہ جاری ہے۔ تمل ناڈو میں چکرواتی طوفان میچونگ کی وجہ سے حالات کافی تشویشناک ہیں۔ حکومت نے عوام سے اپیل کی ہے کہ لوگ گھروں سے نہ نکلیں۔ ساتھ ہی ماہی گیروں کو بھی سمندر میں نہ جانے کا مشورہ دیا گیا ہے۔ اسی درمیان بتایا گیا ہے کہ ہندی اداکار عامر خان جو اپنی والدہ کے علاج کے لیے چنئی میں تھے سیلاب میں پھنس گئے جنہیں بعد میں ریسکیو ٹیموں کی مدد سے بچا لیا گیا۔

اداکار وشنو وشال کو امدادی ٹیموں نے چنئی کے سیلاب کے درمیان پورور کارپکم میں واقع ان کے گھر سے بچایا۔ اس حوالے سے انہوں نے ایکس پیج پر جو تصویر شیئر کی ہے اس میں عامر خان جیسا نظر آنے والا شخص بھی بچائے جانے والوں میں بیٹھا ہے۔ سینما سرکل میں جب اس بارے میں پوچھا گیا تو بتایا جاتا ہے کہ عامر خان اپنی والدہ کے علاج کے لیے چنئی آئے ہیں اور عامر خان بھی وشنو وشال کے اسی رہائشی علاقے میں رہتے ہیں۔

جب چنئی کے عوام سیلاب میں پھنس گئے تو وشنو وشال نے اپنے ایکس پیج پر پوسٹ کیا کہ ان کے علاقے کا پورا گھر سیلابی پانی میں گھرا ہوا ہے اور انہوں نے گھر کی اوپری منزل پر پناہ لی ہے۔ جس کی بنیاد پر ریسکیو ٹیم بچاؤ کام کے لیے پہنچ گئی۔ بھلے ہی وشنو وشال نے اپنے ایکس پیج پر عامر خان کے ساتھ ایک تصویر شیئر کی لیکن انہوں نے عامر خان کے بارے میں کچھ نہیں لکھا۔