سرینگر میں ڈاکٹرز ڈے تقریب کا انعقاد

ڈاکٹروں کا عالمی دن، دنیا بھر میں مختلف تاریخوں میں منایا جاتا ہے لیکن برصغیر ہند و پاک میں یہ دن ہر سال یکم جولائی کو منایا جاتا ہے۔

قومی یوم ڈاکٹر کے موقع پر ملک بھر میں مختلف تقاریب کا اہتمام کیا گیا جبکہ اس دن کی مناسبت سے جی ایم سی سرینگر میں بھی ایک تقریب منعقد کی گئی۔

سرینگر کے گورنمنٹ میڈیکل کالج میں منعقدہ تقریب میں شعبہ میڈیسن کے سربراہ ڈاکٹر مسعود تنویر نے کورونا وبا کے خلاف جنگ میں ڈاکٹروں کے کردار کی تعریف کی۔ انہوں نے عالمی وبا کے دوران ڈاکٹروں کے کردار کی سراہنا کی۔ ڈاکٹر مسعود تنویر نے کہا کہ کورونا وبا کے دوران ڈاکٹروں کی لوگوں کی انتھک خدمت کی

وہیں چیسٹ اسپیشلسٹ ڈاکٹر نوید نذیر شاہ نے بھی ڈاکٹروں کی گراں قدر خدمات کی ستائش کی اور عوام کو کورونا ضوابط پر سختی سے عمل کرنے کا مشورہ دیا۔ انہوں نے لوگوں کو کورونا سے محفوظ رہنے کےلیے احتیاطی تدابیر اختیار کرنے پر زور دیا۔