جموں و کشمیر: 14 اور 15 اگست کو بارش کا امکان

محکمۂ موسمیات نے جموں و کشمیر میں 14 اور 15 اگست کو ہلکی سے درمیانہ درجے کی بارشوں کی پیش گوئی کی ہے۔

محکمۂ موسمیات نے بدھ کو جاری کیے گئے ایک بیان میں کہا ہے کہ جموں و کشمیر میں ہفتہ کو مختلف مقامات پر ہلکی بارشوں کا امکان ہے۔ انہوں نے مزید کہا کہ اتوار کو درمیانہ درجے کی بارشوں کی توقع ہے۔

محکمۂ موسمیات کے مطابق سرینگر میں کم سے درجہ حرارت 18.6 ڈگری سیلسیس درج کیا گیا ہے جو روٹین سے اعشاریہ تین (0.3) ڈگری زیادہ ہے۔

جموں کا کم سے کم درجہ حرارت 26.5 ڈگری ریکارڈ کیا گیا جو روٹین سے اعشاریہ چار (0.4) ڈگری زیادہ ہے۔ سیاحتی مقام پہلگام میں کم سے کم درجہ حرارت 12.4 گلمرگ میں 11.8، قاضی گنڈ میں 14.7 کوکرناگ میں 13.9 جب کہ کپوارہ ٹاؤن میں 16.3 ڈگری درج کیا گیا۔