مشکل دور میں غریبوں کی مدد

کورونا دور میں وادی کے چند افراد نے وبا سے متاثر افراد اور غریبوں کو ضرورتِ زندگی کا سامان مہیا کرنے کا بیڑا اٹھایا ہے۔

پورے ملک کے ساتھ ساتھ مرکز کے زیر انتظام جموں و کشمیر میں بھی عالمی وبا کورونا وائرس کا قہر بڑھتا جا رہا ہے۔ یہاں انتظامیہ نے گزشتہ 22 روز سے عالمی وبا کورونا وائرس پر قابو پانے کے لیے لاک ڈاؤن نافذ کیا ہے۔ یسے میں غریب افراد کے لیے دو وقت کی روٹی کا بندوبست کرنا مُشکِل ہو رہا ہے۔

اس صورتِحال میں وادی کے چند افراد نے گھروں میں محدود وبا سے متاثر افراد اور مسکینوں کو ضرورتِ زندگی کا سامان مہیا کرنے کا بیڑا اٹھایا ہے۔ 'وی دی ہلپینگ ہینڈ فاؤنڈیشن' نام کی غیر سرکاری تنظیم گزشتہ ایک برس سے گاؤں میں محدود افراد اور مسکینوں ضرورت زندگی کا سامان پہنچا رہے ہیں۔ اس سے قبل وہ رمضان کے دوران ضرورت مندوں کو سہری اور افتار بھی فراہم کر چکے ہیں۔

وی دی ہلپینگ ہینڈ فاؤنڈیشن کے صدر عمر وانی نے بتایا کہ اس وقت وہ 576 فوڈ کٹ ضرورت مندوں کو فراہم کر چکے ہیں۔ انہوں نے کہا کہ 'جب بھی ہمارے پاس فون آتا ہے تو ہم اُن سے اُن کی ضرورت کے سامان کی فہرست لیتے ہیں اور پھر وہ اُن کو فراہم کرتے ہیں۔'

اُن کا مزید کہنا تھا کہ 'اس وقت ہم قرنطینہ میں رکھے گئے لوگوں کو کھانا فراہم کرتے ہیں۔ ہمارے پاس کوئی سرکاری یہ کوئی اور فنڈنگ نہیں ہے۔ جو بھی رقم ہمارے پاس آتی ہے وہ ہمارے ڈونرز کی جانب سے ہوتی ہے۔ ہم عوام سے تاؤن چاہتے ہیں۔