'آکسیجن کے تعلق سے گھبرانے کی ضرورت نہیں'

اعجاز اسد نے لوگوں سے تعاون کرنے کی اپیل کی تاکہ وہ اس وبا کو پوری طرح سے کنٹرول کرنے میں کامیاب ہو سکیں۔

ملک میں کورونا وائرس کے کیسز میں مسلسل اضافہ ہو رہا ہے۔ ایسے میں ہسپتالوں میں مریض بڑھ رہے ہیں۔ مریض کے بڑھنے سے ہسپتالوں میں بیڈ کی کمی کے ساتھ ساتھ آکسیجن کی کمی ہو رہی ہے۔ اس لیے لوگوں کے اندر خوف ہے۔ آکسیجن کی کمی کی وجہ سے لوگ ہنگامی صورت حال سے نمٹنے کے لیے آکسیجن کا سلنڈر جمع کر رہے ہیں۔ اس لیے ضلع ڈپٹی کمشنر سرینگر اعجاز اسد نے لوگوں سے اپیل کی ہے۔

جموں و کشمیر کے دارالحکومت سرینگر میں تمام افواہوں کو یکسر مسترد کرتے ہوئے ضلع ڈپٹی کمشنر سرینگر اعجاز اسد نے کہا کہ ہمارے پاس تقریباً ڈیڑھ کروڈ لیٹر آکسیجن موجود ہے جو اطمینان بخش بات ہے۔

انہوں نے لوگوں کو انتظامیہ سے تعاون کرنے کی اپیل کی تاکہ وہ اس وبا کو پوری طرح سے کنٹرول کرنے میں کامیاب ہو سکیں۔