سرینگر میں افسران کے ساتھ ایک میٹنگ کے دوران صوبائی کمشنر پنڈورنگ پولے نے ہدایت جاری کرتے ہوئے کہا کہ وادی میں عوام کو ماسک پہنانے کے لیے رضاکاروں کو متحرک کیا جائے۔
انہوں نے افسران سے کہا کہ طبی محکمے کے ماہرین لوگوں کی آن لائن ذہنی کونسلنگ کا آغاز کریں تاکہ لوگ گھروں میں رہنے کے دوران کسی بھی ذہنی پریشانی میں مبتلا نہ ہوں۔
انہوں نے محکمہ یوتھ سروسز کے اساتذہ کو لوگوں کے لئے ورچیول یوگا کلاسز کا اہتمام کرنے کی تلقین کی۔
صوبائی کمشنر نے مزید کہا کہ رضاکار سبھی اضلاع کے بازاروں اور ہسپتالوں میں تعینات رہیں گے تاکہ ماسک پہننے پر سختی سے عمل ہو سکے اور خلاف ورزی کرنے والے افراد پر جرمانہ عائد کیا جائے۔
صوبائی کمشنر نے متعلقہ افسران سے کورونا وائرس کی تازہ صورتحال کے متعلق اعداد و شمار کی جانکاری بھی لی۔