ماہرین کی جانب سے عالمی وبا کورونا وائرس کی ممکنہ تیسری لہر کی پیش گوئی کو مد نظر رکھتے ہوئے سرینگر کے ضلع مجسٹریٹ محمد اعجاز اسد نے لوگوں نے احتیاطی تدابیر پر عمل کرنے کے علاوہ کورونا مخالف ویکسین کی خوراک لینے کی اپیل کی۔
انہوں نے کہا کہ ’’ماہرین کی جانب سے کورونا کی ممکنہ تیسری لہر کی پیش گوئی کے پیش نظر ہمیں محتاط رہنے کی اشد ضرورت ہے۔‘‘
ان کا مزید کہنا تھا کہ ’’آنے والے دنوں میں لاک ڈاؤن میں مزید نرمی کے ساتھ ہی پبلک پارکس اور مذہبی مقامات کو بھی کھولا جا سکتا ہے، ممکن ہے کہ عوامی مقامات پر کورونا ٹیکہ لگانے والے افراد کو ہی داخلے کی اجازت دی جائے گی۔‘‘
مزید پڑھیں: نوجوانوں کو کورونا مخالف ویکسین لگانے کی ترغیب
انہوں نے سرینگر میں کورونا وائرس کی موجودہ صورتحال سے متعلق تفصیلات فراہم کرتے ہوئے کہا کہ ضلع میں کورونا کے مثبت معاملات میں کافی کمی واقع ہوئی ہے تاہم انہوں نے لوگوں سے احتیاطی تدابیر پر عمل کرنے کی تلقین کی۔