اتراکھنڈ گلیشیئر سانحہ: کشمیری انجینیئر سُپرد خاک

گزشتہ روز اتراکھنڈ میں گلیشیئر پھٹنے کے حادثے میں درجنوں افراد کی موت ہوئی جس میں ایک کشمیری انجینیئر بھی شامل ہے۔

اتراکھنڈ گلیشیئر حادثے میں کشمیر سے تعلق رکھنے والے انجینیئر کی لاش اس کے آبائی گاؤں لائی گئی اور سینکڑوں سوگواروں کی موجودگی میں پُر نم آنکھوں سے سُپرد خاک کیا گیا۔

جموں و کشمیر کے دارالحکومت سرینگر کے مضافاتی علاقہ الٰہی باغ صورہ سے تعلق رکھنے والے انجینیئر بشارت احمد کا جسدخاکی آج سرینگر پہنچا۔ بشارت کی لاش جیسے ہی پہنچی علاقے میں صف ماتم بچھ گئی اور ہر جانب آہ و بکاہ کا ماحول پیدا ہوگیا۔

ای ٹی وی بھارت سے گفتگو کے دوران بشارت احمد کے بھائی نے کہا کہ 'جوں ہی یہ خبر ہم تک پہنچی کہ انجینیئر بشارت احمد کی گلیشیئر ٹوٹنے سے موت ہوگئی، گھر میں ماتم سا چھا گیا۔'